Pas një nominimi të fortë dhe mjaft të komentuar mes Shëndritit, Edisës dhe Juelës, publiku ka marrë vendimin përfundimtar. Mes tre banorëve, ishte pikërisht Juela ajo që rezultoi më pak e votuara për të vijuar garën në shtëpinë e Big Brother VIP Albania 5.
Kështu, ajo i ka dhënë fund rrugëtimit të saj në këtë eksperiencë, duke lënë pas momente, debate dhe dinamika që kanë shoqëruar qëndrimin e saj në shtëpi. Ndërkohë, gara bëhet edhe më e fortë për banorët e mbetur.
Edisa dhe Shëndriti arrijnë të sigurojnë një tjetër javë në shtëpi, duke iu afruar gjithnjë e më shumë finales së madhe, e cila është tashmë më pak se dy javë larg. Tensioni rritet, strategjitë ndryshojnë dhe çdo veprim bëhet vendimtar në këtë fazë të fundit të lojës.
