Përdoruesit beta të Apple Maps tani mund të përdorin funksionin Look Around në ueb, i cili i lejon ata të shikojnë përreth dhe të eksplorojnë qytetet për të cilat është i disponueshëm. Look Around është në të vërtetë përgjigja e Apple për veçorinë Google Street View, e cila është pjesë e aplikacionit Google Maps. Kompania nga Cupertino ka një listë të plotë të “Look Around Locations” në faqen e saj të internetit dhe kjo listë përfshin qytete të zgjedhura në SHBA, Japoni dhe disa vende të Bashkimit Evropian.
Në mënyrë që përdoruesi të fillojë të eksplorojë një vendndodhje specifike në desktop, ai duhet të klikojë në ikonën e dylbisë në këndin e poshtëm të majtë të hartës. Ashtu si Street View, përdoruesit do të jenë në gjendje të “fluturojnë virtualisht” mbi rrugë dhe të “zvarritin” ekranin për të eksploruar më shumë një vendndodhje të caktuar duke përdorur foto 360 gradë. Apple lançoi një version beta të hartave të saj për ueb në korrik, por me një sërë kufizimesh. Qasja ishte e kufizuar në pajisje dhe shfletues të caktuar.
Megjithëse mund të përdorej për të marrë udhëzime, nuk kishte funksion Look Around. Megjithatë, Apple ka premtuar të shtojë më shumë veçori në muajt e ardhshëm. Mbulimi i opsionit Look Around është ende mjaft i kufizuar, Apple po punon për të rritur disponueshmërinë e tij. Plani është të shtohen qytete më të vogla dhe zona rurale në rrjetin Look Around, si dhe shtimi i më shumë vendeve si Egjipti, Kina dhe Meksika.
Një përdoruese e TikTok zbuloi një veçori interesante që e bën Google Maps edhe më të dobishëm, pasi përdoruesit mund të marrin mijëra informacione menjëherë. Ky “hakim” do t’ju zbulojë me një lëvizje të thjeshtë se cilat institucione ndodhen pranë jush. Zakonisht, kur ruani një vendndodhje si një restorant, do të shihni vlerësimin e tij me yje etj. Megjithatë, nëse ruani një vendndodhje si pjesë e një liste, mund të përdorni gjithashtu një emoji si ikonë.
