Tre marinarë të zhdukur prej më shumë se një javë janë gjetur dhe shpëtuar falë një operacioni të përbashkët të Marinës dhe Rojes Bregdetare të SHBA-së. Ata u zhdukën në Paqësor për më shumë se një javë pasi kishin shkuar për peshkim në ishullin Pikelot, pjesë e arkipelagut mikronezian, më 31 mars.
Tre ushtarët u gjurmuan falë shkrimit “Help” (“Ndihmë”), të cilin e kishin shkruar me shkronja të mëdha duke grumbulluar gjethe palme në rërën e një plazhi. Shkrimi u vu re nga një avion patrullimi detar i marinës amerikane P-8 Poseidon i vendosur në Japoninë jugore, i përfshirë në operacionet e kërkimit. Burrat ishin në një udhëtim peshkimi që filloi më 31 mars, kur varka e tyre me vela u dëmtua dhe ishte jofunksionale, duke i lënë ata të bllokuar në breg të Pikelot Atoll.
Misioni i kërkim-shpëtimit filloi më 6 prill kur një i afërm i marinarëve thirri Nën-Qendrën e Përbashkët të Shpëtimit (JRSC) Guam, duke raportuar se burrat nuk ishin kthyer në shtëpi. Roja Bregdetare e SHBA tha se një “përparim” në përpjekjet e shpëtimit erdhi të nesërmen, kur një avion P-8 Poseidon i marinës amerikane që fluturonte mbi ishull identifikoi marinarët, duke konfirmuar praninë dhe gjendjen e tyre.
“Përkushtimi ynë i palëkundur ndaj misionit të kërkim-shpëtimit jo vetëm që siguron sigurinë dhe mirëqenien e marinarëve dhe komuniteteve bregdetare, por gjithashtu përforcon lidhjet e forta të miqësisë dhe bashkëpunimit midis Shteteve të Bashkuara dhe FSM-së dhe me partnerët tanë të DoD-së,”- tha kapiteni Nicholas Simmons, komandanti i Rojes Bregdetare të SHBA.
Në gusht 2020, një operacion i ngjashëm kërkim-shpëtimi u zhvillua në Pikelot Atoll kur tre burra ishin zhdukur në Oqeanin Paqësor perëndimor për gati tre ditë, kur mesazhi i tyre gjigant i përshkruar në plazhin e ishullit të vogël Pikelot u pa nga lart nga kërkuesit. në një avion australian dhe amerikan.
