Hailey Bieber ka reaguar ashpër pas publikimit të renditjes së Billboard për yjet më të mëdhenj të popit të shekullit të 21, ku Justin Bieber u pozicionua në vendin e tetë. Kjo listë ka përfshirë emra të njohur si Kanye West, Britney Spears, Lady Gaga, Drake dhe Rihanna, ndërsa vendet e para ende mbeten të paqartë, me shumë që besojnë se Beyoncé dhe Taylor Swift mund të jenë ato që do të mbajnë pozitat më të larta.
Në një postim në Instagram, Hailey shprehu pakënaqësinë e saj për renditjen, duke komentuar:
Billboard është një shaka, si gjithmonë
– dhe duke shtuar një emoji puthjeje. Ky koment i Hailey, i shpërndarë në rrjetet sociale, ka tërhequr vëmendjen e fansave dhe medias.
Pavarësisht kritikave të Hailey, pozita e Justin Bieber në renditje është konsideruar ende një arritje e madhe, duke pasur parasysh sukseset e tij në industrinë muzikore. Justin ka nisur karrierën që në moshën 13-vjeçare kur u nënshkrua me menaxherin e njohur Scooter Braun. Ai ka arritur sukses të madh, duke debutuar me hitin “Baby” në vitin 2009, dhe ka pasur gjithsej 8 këngë që kanë arritur vendin e parë në Billboard Hot 100, si dhe 26 këngë që janë renditur në Top 10.
Hiti i tij më i fundit, “Stay” me The Kid LAROI, ka qëndruar për 63 javë në tabelat e Billboard, duke theksuar dominimin e tij në industrinë muzikore. Përsa i përket projekteve të tij të ardhshme, një burim afër Justin ka thënë se ai është gjithmonë në kërkim të eksperimentimit me projekte të reja dhe të guximshme. Pas lindjes së djalit të tij, Jack Blues Bieber, Justin është bërë më i tërhequr dhe privat në jetën e tij.
