Heidi Klum ka rrëmbyer vëmendjen e paparacëve gjatë pushimeve të saj në ishullin St. Barts, ku u fotografua duke shijuar një ditë relaksi në plazh në shoqërinë e djalit të saj, Henry Samuel.
Supermodelja gjermane u shfaq në formë të shkëlqyer fizike, e veshur me një bikini ngjyrë kafe me detaje të valëzuara, të cilin e kombinoi me një kapele të madhe bezhë dhe syze dielli me nuanca kafe. Pamjen e saj verore e kompletoi me një stil krejtësisht natyral, pa grim.
53-vjeçarja u pa duke marrë rreze dielli, duke notuar në oqean dhe duke kaluar momente të qeta pranë qenit të saj të vogël të bardhë, larg ritmit të ngarkuar të jetës profesionale.
Në plazh e shoqëronte edhe djali i saj 20-vjeçar, Henry Samuel, i cili kishte veshur rroba banje jeshile dhe syze dielli. I riu, fryt i martesës së Heidi Klum me këngëtarin Seal, kaloi kohë vetëm me nënën e tij gjatë kësaj dite pushimi.
Heidi dhe Seal janë gjithashtu prindër të Johan, 19 vjeç, dhe Lou, 16 vjeçe. Ndërkohë, Seal ka luajtur një rol të rëndësishëm edhe në rritjen e vajzës së madhe të modeles, Leni, 22 vjeçe, nga një marrëdhënie e mëparshme.
Lidhja e veçantë mes Heidi-t dhe Henry-t është reflektuar shpesh edhe në daljet e tyre publike. Djali i modeles ka treguar më herët se prindërit e tij kanë qenë gjithmonë një burim frymëzimi dhe mbështetjeje për të.
Që prej vitit 2019, Heidi Klum është e martuar me muzikantin Tom Kaulitz. Çifti kalon shpesh pushimet në destinacione bregdetare, ndërsa modelja vazhdon të mbetet një nga figurat më të njohura dhe më të suksesshme në industrinë ndërkombëtare të modës dhe televizionit.
