Jeff Bezos mund të ketë shkëlqyer me smokingun e tij elegant në ditën e dasmës me Lauren Sanchez, por sipas ekspertëve të modës, themeluesi i Amazon bëri një gabim të dukshëm stilistik gjatë eventit luksoz në Venecia.
61-vjeçari u fotografua i buzëqeshur teksa hipte në një taksi uji për t’u nisur drejt ceremonisë në ishullin San Giorgio Maggiore.
Por ajo që ra në sy për stilisten nga Nju Jorku, Liz Teich, ishte papioni i lidhur paraprakisht që Bezos kishte zgjedhur.
Do të doja të kishte zgjedhur një papion të lidhur me dorë – është shumë më elegant dhe i përshtatshëm për raste të tilla
-tha Teich për “Daily Mail”.
Edhe gazetari i njohur i modës, Derek Guy, komentoi zgjedhjen e miliarderit në Platformën X, duke sugjeruar se jelekut të tij i mungonte përputhshmëria klasike me pjesën tjetër të veshjes.
Pavarësisht kritikave të lehta stilistike, ceremonia mes Bezos dhe Sanchez u kthye në një ndër ngjarjet më të përfolura të vitit, me një listë të ftuarish plot emra të famshëm dhe një sfond piktoresk në qytetin magjepsës të Venecias.
