Katy Perry ka ndarë një traditë të veçantë Krishtlindjesh që ajo dhe të fejuari i saj, Orlando Bloom, e ndjekin çdo vit. Gjatë xhirimeve të një koncerti special për ITV, titulluar “Night of a Lifetime”, këngëtarja 40-vjeçare tregoi planet e saj për festat dhe një traditë të dashur që ndan me të fejuarin dhe miqtë e saj në Montecito, Kaliforni.
Perry zbuloi se më 24 dhjetor, ajo dhe Orlando do të jenë të veshur si personazhe të njohur të Krishtlindjeve, dhe do të bëjnë një shëtitje të veçantë me një karrocë dekoruar me drita për të vizituar fqinjët. Duka dhe Dukesha e Sussex, Harry dhe Meghan Markle, janë gjithashtu fqinjë të afërt të çiftit në këtë zonë, dhe sipas Katy-t, ata kanë bërë miqësi të ngushtë me ta.
Këngëtarja shpjegoi se çdo vit ata marrin me qira një karrocë, e cila është e zbukuruar me drita të shumta dhe kalojnë përmes lagjes për të parë dritat e Krishtlindjeve të fqinjëve.
Ndonjëherë ka kakao të nxehtë dhe unë jam veshur si The Grinch
– tha Perry, duke treguar se përveç vizitës, ata gjithashtu këndojnë këngë tradicionale të Krishtlindjeve derisa trokasim në dyert e njerëzve.
Tradita e Krishtlindjeve është bërë një moment shumë i dashur për çiftin, dhe ato e shijojnë çdo vit. Perry dhe Bloom janë miq të ngushtë të Dukës dhe Dukeshës së Sussex, dhe dy çiftet janë takuar në disa ngjarje, duke përfshirë festën e ditëlindjes së tretë të Princeshës Lilibet.
Për Katy-n, këto janë momentet që e bëjnë festën e Krishtlindjeve të veçantë dhe mbushin jetën e saj me dashuri dhe argëtim.
