“At The Movies”, një program për kinema-dashësit, i cili sjell kinemanë në 360 gradë. Filmat e rinj, ngjarjet e fundit nga protagonistët tuaj të preferuar, recensionet e filmave, shoqëruar nga kolonat zanore të paharrueshme që zgjojnë kujtime rrënqethëse. Bota e magjishme e kinematografisë në një program të dedikuar në Top Albania Radio nga Edi Hallaçi dhe Edea Demaliaj. Duke qëndruar tek premierat e fundit të filmave dhe kolonat zanore të tyre, më poshtë ju njohim më shumë me disa nga publikimet më të reja…
Smurfs
Kur Papa Smurf merret nga magjistarët e këqij Razamel dhe Gargamel, Smurfette i udhëheq Smurfët në një mision në botën reale për ta shpëtuar atë.
Tyla – “Everything Goes With Blue” (from the Smurfs Soundtrack)
Ballerina
John Uik është një nga sagat më të njohura të zhanrit aksion, e njohur për botën e vrasësve elitarë. Filmi “Ballerina”, me protagonistë Ana de Armas dhe Keanu Reeves, zhvillohet mes ngjarjeve të pjesës së tretë dhe të katërt të kësaj sage kult. Në qendër të historisë është një grua e re, e cila, pas një tragjedie familjare, nis një udhëtim të pamëshirshëm për drejtësi dhe hakmarrje. E tërhequr në një botë të errët komplotesh të fshehta dhe intrigash të rrezikshme, ajo shndërrohet në një vrasëse të aftë, e shtyrë nga dhimbja e thellë emocionale dhe etja e pashuar për drejtësi. Një luftëtare me aftësi të jashtëzakonshme, rrugëtimi i saj drejt hakmarrjes është një përvojë si fizike, ashtu edhe emocionale, e mbushur me humbje, zemërim dhe trauma. “Ballerina” sjell një dimension të ri në universin e John Uik, duke gërshetuar aksionin intensiv me një histori të fuqishme që i lë spektatorët pa frymë.
Evanescence feat. K.Flay – Fight Like A Girl (from the film Ballerina)
F1
Nga krijuesit e filmit hit “Top Gun: Maverick”, vjen filmi i suksesshëm më i fuqishëm i vitit, “F1”! Në rolin kryesor, Brad Pitt shkëlqen si një ish-pilot i Formula 1 që rikthehet në pistë, i shoqëruar nga Damson Idris si shoku i tij i skuadrës në ekipin imagjinar APX GP. Ky udhëtim plot adrenalinë na çon drejt në zemër të botës së Formula 1, i xhiruar gjatë fundjavave të vërteta të Grand Prix, ku ekipi i xhirimit garon përbri legjendave reale të sportit. Me një histori të pafavorizuarish, miqësie, guximi dhe pak romance, “F1” ofron një përvojë kinematografike unike që do t’ju lërë pa frymë. Përgatituni për një aventurë spektakolare që shtyn kufijtë e përvojës kinematografike!
Roddy Ricch – Underdog (From F1)
Red Clay
“Red Clay” tregon historinë prekëse të Nook, një adoleshent konfliktual që lundron në terrenet sfiduese të adoleshencës mes varësisë së nënës së tij ndaj drogës. Në një përpjekje për të kapërcyer rrethanat e tyre të tmerrshme, Nook merr një vendim fatal që shënon sakrificën e natyrës së tij imagjinative si fëmijë për taktikat pragmatike për mbijetesën dhe mbrojtjen e familjes së tij. Ky film i shkurtër eksploron temat e besnikërisë, sakrificës, zgjedhjeve të dëshpëruara që mund të bëjë dikush në kërkim të shëlbimit dhe ambicies si forca e dobët lëvizëse mes kaosit të palëkundur të jetës.
