Kris Jenner dhe Khloé Kardashian i janë bashkuar Lauren Sánchez Bezos në festën e saj madhështore të ditëlindjes së 56-të, e cila u mbajt gjatë fundjavës në një atmosferë të mbushur me magjinë e Krishtlindjeve.
Yjet ndanë disa momente nga mbrëmja luksoze përmes rrjeteve sociale, duke tërhequr menjëherë vëmendjen e fansave.
Kris Jenner, 70 vjeçe, u shfaq me një pamje elegante, e veshur me një pallto luksoze Valentino prej leshi dhe kashemiri, me vlerë rreth 8,500 dollarë, të kombinuar me vathë klasikë Cartier.
Nga ana tjetër, Khloé Kardashian, 41 vjeçe, zgjodhi një fustan me prerje elegante dhe pelerinë prej pellushi, të kompletuar me syze dhe çorape, duke i dhënë look-ut një prekje dramatike dhe festive.
Lauren Sánchez Bezos, u shfaq me një stil elegant në të zeza, të shoqëruar me një xhaketë me print leopardi, duke reflektuar luks dhe vetëbesim.
Në disa nga fotot e publikuara, Khloé shihet duke pozuar mes borës artificiale pranë një Mercedes-i të kuq, ndërsa Kris i bashkohet jashtë automjetit.
Të tria u shfaqën edhe brenda ambientit të dekoruar për festa, duke krijuar momente të ngrohta dhe festive.
Khloé e përshkroi mbrëmjen në Instagram si “një natë perfekte”, duke lavdëruar organizimin e Lauren Sánchez Bezos dhe duke i uruar festat me shumë dashuri. Edhe Kris Jenner ndau foto nga festa, duke shprehur kënaqësinë që kaloi kohë festive me dy mikeshat e saj.
Edhe pse Kim Kardashian mungoi në festë, ajo nuk harroi ta uronte Lauren përmes Instagram Stories, duke e cilësuar atë si një person “jashtëzakonisht pozitiv dhe me shpirt të gëzuar”.
Familja Kardashian dhe Lauren Sánchez Bezos njihen për miqësinë e tyre të afërt, duke u shfaqur shpesh së bashku në evente private dhe ceremoni të rëndësishme, çka e bën këtë festë një tjetër dëshmi të lidhjes së tyre të ngushtë.
