Sipas ekspertëve, çiklizmi është katër herë më efikas se ecja. Çiklizmi është një aktivitet që jo vetëm përmirëson qëndrueshmërinë dhe shëndetin kardiovaskular, por gjithashtu ndihmon në forcimin e muskujve dhe uljen e stresit.
Çiklizmi: ushtrimi më efikas për trupin
Sipas specialistëve të shëndetit dhe mirëqenies, çiklizmi mund të jetë katër deri në pesë herë më efikas se ecja, pasi energjia që trupi përdor për të lëvizur pedalet shndërrohet direkt në vrull përpara. Në të kundërt, kur ecni, një pjesë e asaj energjie humbet me lëvizjen vertikale të trupit.
Kjo do të thotë që me të njëjtën përpjekje fizike mund të mbuloni një distancë shumë më të madhe dhe të digjni më shumë kalori. Sipas llogaritjeve shkencore, një person që peshon afërsisht 70 kilogram mund të djegë midis 240 dhe 290 kalorive në një seancë të moderuar çiklizmi 30-minutëshe, krahasuar me 150 deri në 190 kalori që do të digjnin duke ecur për të njëjtën kohë.
Përfitimet fizike dhe kardiovaskulare të çiklizmit
Çiklimizmi nuk është vetëm një mjet i shkëlqyer për humbjen e peshës, por gjithashtu forcon zemrën dhe mushkëritë. Një studim i vitit 2019 zbuloi se ata që ngasin shpesh biçikletën e ulin ndjeshëm rrezikun e sëmundjeve kardiovaskulare, siç janë atakët në zemër dhe goditjet në tru. Përveç kësaj, pati një përmirësim të përgjithshëm në funksionin e mushkërive dhe kapacitetin e qëndrueshmërisë së trupit.
Një studim tjetër nga Universiteti i Glasgout, i botuar në revistën mjekësore BMJ, zbuloi se:
Njerëzit që shkojnë në punë me biçikletë kanë një rrezik 45% më të ulët për të zhvilluar kancer krahasuar me ata që nuk ushtrohen gjatë udhëtimit të tyre.
Prandaj, përfshirja e biçikletës në rutinën e përditshme, qoftë gjatë udhëtimit për në punë apo gjatë kryerjes së aktiviteteve të përditshme, mund të jetë një mënyrë e thjeshtë dhe efektive për të përmirësuar shëndetin kardiovaskular dhe për të rritur jetëgjatësinë.
