Pak para orës 14:00 është përmbyllur mbledhja e Këshillit Federal, ku presidenti i FIGC-së, Giovanni Malagò, ka njoftuar zyrtarisht negociatat me Roberto Mancini-n për t’u bërë trajneri i ri i kombëtares italiane.
Në pritje të mbylljes me sukses të bisedimeve dhe firmës mbi kontratë, po punohet paralelisht edhe për rindërtimin e strukturës drejtuese të “Club Italia”. Claudio Ranieri mbetet kandidati kryesor (pole position) për rolin e drejtorit teknik, ndërsa Gabriele Oriali për pozicionin e menaxherit të ekipit (team manager).
Abete: “Mancini është zgjedhje cilësore, nuk kishte opsione të tjera”
Në daljen nga mbledhja e Këshillit Federal, kryetari i Ligës Kombëtare të Amatorëve (LND), Giancarlo Abete, konfirmoi rrugëtimin e zgjedhur nga federata:
“Mancini është zgjedhja e një tekniku cilësor, e bërë nga presidenti dhe mendoj në sintoni me drejtorin teknik. Udhëzimi ishte i qartë, zgjedhja u përcaktua dhe u komunikua nga Malagò. Nuk kishte opsione të tjera. Po flasim për një trajner që ka fituar Kampionatin Evropian me kombëtaren.”
I pyetur se sa e mbështet këtë lëvizje elita e futbollit italian, Abete u shpreh: “A është dakord Serie A? Kjo duhet pyetur Simonelli, i cili ishte i lidhur në distancë.” Ndërsa lidhur me zërat për rolin e drejtorit teknik, ai preferoi të mos hynte në detaje: “Ranieri? Pyetni atë që e zgjedh, në këshill nuk u fol për këtë.”
