Dalin detaje të reja lidhur me sulmin e rëndë në një shkollë në Kahramanmaraş, në juglindje të Turqisë, ku 14-vjeçari Isa Aras Mersinli vrau tetë nxënës dhe një mësues, si dhe plagosi 13 persona të tjerë.
Në rrjetet sociale qarkullon një video që pretendohet se është filmuar pak para sulmit, ku adoleshenti shihet duke ecur i armatosur në ambientet e klasës, çka ka shtuar edhe më shumë tronditjen në opinionin publik.
Sipas zyrës së prokurorit turk, i mituri kishte planifikuar sulmin që prej 11 prillit. Hetuesit zbuluan në kompjuterin e tij një dokument që sugjeron përgatitje të qëllimshme, ndërsa të gjitha pajisjet elektronike nga banesa e tij janë sekuestruar për të hedhur dritë mbi motivet.
Pas sulmit, i mituri i dha fund jetës, ndërsa hetimet janë përqendruar edhe te familja e tij. Babai i autorit, një inspektor policie u dërgua në paraburgim, ndërsa nëna u la e lirë. Sipas autoriteteve, armët e përdorura në sulm i përkisnin babait.
Ngjarja ka shkaktuar reagime të forta në Turqi, duke ngritur shqetësime serioze për sigurinë në shkolla dhe aksesin e të miturve te armët.
