Naomi Campbell dhe Margot Robbie ishin ndër emrat më të komentuar në mbrëmjen inauguruese të RH London, hapësira e re luksoze e markës amerikane të mobilieve dhe dizajnit të brendshëm, e cila hapi dyert në zemër të lagjes prestigjioze Mayfair në Londër.
Pavarësisht temperaturave të larta që kanë përfshirë Mbretërinë e Bashkuar ditët e fundit, yjet e njohur të showbiz-it dhe modës zgjodhën stile krejtësisht të ndryshme, duke tërhequr vëmendjen e të pranishmëve dhe fotografëve.
Margot Robbie, 35 vjeçe, u shfaq me një paraqitje elegante dhe minimaliste, e veshur tërësisht me të zeza. Aktorja australiane zgjodhi një xhaketë moderne me prerje në pjesën e barkut, duke kombinuar stilin klasik me detaje bashkëkohore. Ajo u pa e shoqëruar nga sigurimi teksa kalonte mes turmës së të ftuarve.
Ndërkohë, Naomi Campbell, 56 vjeçe, vodhi vëmendjen me një fustan gri me prerje të guximshme, që vinte në pah reçipetat e saj dhe figurën ikonike. Supermodelja e kompletoi pamjen me sandale me lidhëse deri në gju dhe bizhuteri të shumta, duke u kthyer në një nga personazhet më të fotografuara të mbrëmjes.
Në ngjarjen ekskluzive morën pjesë edhe emra të tjerë të njohur të botës së artit dhe modës, përfshirë Janet Jackson, Bianca Jagger dhe Wallis Day, duke e kthyer inaugurimin në një nga eventet më të rëndësishme sociale të sezonit në Londër.
RH London është vendosur në një rezidencë historike të shekullit të 18-të në Burlington Gardens dhe përfshin jo vetëm showroom-e luksoze mobiliesh, por edhe restorante, bare dhe një sallon çaji. Projekti synon të shndërrohet në një nga destinacionet më ekskluzive të kryeqytetit britanik.
Mes elegancës, luksit dhe paraqitjeve të guximshme, Naomi Campbell dhe Margot Robbie arritën edhe një herë të dëshmojnë pse mbeten ndër emrat më të ndjekur dhe më me ndikim në botën e modës dhe showbiz-it.
