Ish-presidenti Bamir Topi ka reaguar me keqardhje për ndarjen nga jeta të ish-kryeministrit Fatos Nano, duke e përshkruar atë si një politikan qytetar dhe dialogues.
Në një reagim publik, Topi thekson se Nano ishte “një politikan qytetar, liberal dhe komunikues modern në politikë e në shoqëri”.
Ai nënvizon se sjellja politike e Fatos Nanos me kundërshtarët e tij ka qenë gjithmonë e karakterizuar nga predispozicioni për dialog dhe kompromis.
“Personalisht i jam mirënjohës, pasi tejkaloi pozicionin e tij politik për të më votuar si President i Republikës, duke mënjanuar krizën politike e kushtetuese”, shkruan Topi në mesazhin e tij.
Ish Presidenti Prof.Dok. Bamir Topi:
Keqardhje për ndarjen nga jeta të z.Fatos Nano.
Nano ishte një politikan qytetar, liberal dhe komunikues modern në politike e në shoqëri.
Sjellja tij politike me kundërshtarët politikë ishte plot predispozicion për dialog e kompromis.
Personalisht i jam mirënjohës, pasi tejkaloi pozicionin e tij politik për të më votuar si President i Republikës, duke mënjanuar krizën politike e kushtetuese.
U prehtë ne paqen e përjetshme!
Bamir Topi.
