Shtëpia e Bardhë është tanimë e zbukuruar për festat e fundvitit. Zonja e Parë Jill Biden i dha kombit mesazhin e saj të festave nga Dhoma Lindore e Shtëpisë së Bardhë dhe falënderoi vullnetarët nga i gjithë vendi që ndihmuan në dekorimin e Shtëpisë së Bardhë për festat.
Tema e dekorimit të festave të këtij viti është ‘Një stinë paqeje dhe drite’. Dekorimet janë një pasqyrim i asaj që ka rëndësi për Biden-ët, ndërsa ata festojnë sezonin e Krishtlindjeve në Shtëpinë e Bardhë për herë të fundit. Më shumë se 300 vullnetarë kaluan javën e kaluar duke dekoruar hapësirat publike të Shtëpisë së Bardhë dhe 83 pemët e saj të Krishtlindjeve me afro 10,000 fjongo, më shumë se 28,000 zbukurime, mbi 2,200 pëllumba letre dhe rreth 165,000 drita të përdorura.
Si pjesë e nismës së saj për të mbështetur familjet e ushtarëve, Zonja e Parë ftoi familjet e Gardës Kombëtare që të jenë anëtarët e parë të publikut që të përjetojnë magjinë e festave. Ndërsa Biden përgatitet të largohet si president muajin e ardhshëm, Jill shprehu mirënjohjen e saj që kishte qenë Zonja e Parë e SHBA.
Ka qenë nderi i jetës sonë të shërbejmë si familja juaj e parë. Qoftë i bekuar kombi ynë me paqe dhe dritë në këtë sezon festash. Gëzuar Krishtlindjet, festa të lumtura, ju duam të gjithëve. Faleminderit!
