Gjykata e Shkodrës vendosi “Arrest shtëpie” për babë e bir, që u përfshinë në konfliktin me një të plagosur në Poliklinikën e qytetit, më 16 korrik.
Seanca gjyqësore, e drejtuar nga gjyqtarja Arta Llazani, prokurori Ndriçim Halilaj dhe avokati Bruno Pepa, mori tjetër rrjedhë, pasi u rrëzua akuza e tentativës për vrasje.
18-vjeçari dhe babai i tij shfaqën pendesë për konfliktin, që sipas tyre ka ardhur në gjaknxehtësi e sipër. Nga hetimet nuk është provuar që i riu ka pasur thikë gjatë konfliktit.
Bazuar në provat e paraqitura dhe pendesën e shfaqur, gjykata vendosi masën “Arrest shtëpie”.
Me të njëjtën masë sigurie u la edhe Arben Kepëca, i akuzuar për veprën penale të armëmbajtjes pa leje.
