Manuela Arcuri do të rikthehet në ekranin italian në pranverën e vitit 2025, si protagoniste e filmit “Tradita”, i drejtuar nga Gabriele Altobelli. Ky është projekti i saj i parë pas një mungese dhjetëvjeçare, dhe aktorja ka shfrytëzuar mundësinë për të ndarë arsyet e largimit të saj në një intervistë për revistën “Oggi”.
Ajo shpjegoi se vendimi për t’u distancuar nga industria e filmit ka qenë i lidhur me jetën familjare.
Njëmbëdhjetë vjet më parë, më ofruan të luaja në “Pupetta 2”, një seri që pati sukses të madh, por mbeta shtatzënë dhe vendosa t’i kushtohem djalit tim
– tha Arcuri, duke shtuar se nuk ka asnjë pendesë për zgjedhjet që ka bërë.
Nuk pendohem për asgjë. Edhe pse kthehesh pas një periudhe largimi, e di që të tjerët vazhdojnë përpara.
Në “Tradita”, Arcuri do të luajë rolin e avokates Pazienza Mantovani, një personazh që do të zhvillohet brenda një historie me ngarkesë emocionale.
Ajo do të performojë përkrah djalit të saj, Mattia, i cili është 10 vjeç dhe ka një pasion të madh për artin. Mattia studion këndim, vallëzim dhe aktrim dhe është i përfshirë në shkollën për muzikale.
Pas xhirimeve, ai shkoi te regjisori dhe i tha: ‘Herën tjetër dua të bëj një rol më të madh
Gjatë intervistës, aktorja ka folur edhe për disa lidhje të së kaluarës. Një prej tyre ishte me Francesco Tottin, para se ai të martohej me Ilary Blasin.
Patëm diçka, një puthje dhe asgjë më shumë. E doja atë periudhë, ai ishte shumë i dëshiruar nga të tjerët, por nuk donte të angazhohej dhe e kuptoj
– është shprehur bukuroshja, duke pranuar se, për shkak të moshës së re, lidhja nuk funksionoi.
Për marrëdhënien e saj me aktorin Gabriel Garko, Arcuri zbuloi se ajo nuk e kishte ditur që çdo gjë kishte qenë një “shfaqje”.
Flirti zgjati disa muaj dhe ai dukej se ishte i përfshirë, madje edhe fizikisht. Më vjen keq që dëgjoj që ishte gjithçka një gënjeshtër
– tha ajo, duke aluduar në pranimet që Garko bëri katër vjet më parë për orientimin e tij seksual.
Ky rikthim në ekran i Manuela Arcuri ka shkaktuar kuriozitet dhe pritshmëri të mëdha, ndërsa ajo shprehet se është gati të sjellë në ekran një rol të ri dhe të pasur emocionalisht, pas një periudhe të gjatë të fokusuar te jeta personale.
