Shtetet e Bashkuara dëshirojnë të mbeten anëtare të NATO-s, por aleanca duhet të reformohet. Këtë deklaratë e bëri Marco Rubio përpara Komitetit për Çështjet e Jashtme të Dhomës së Përfaqësuesve në Uashington. Sekretari i Shtetit theksoi se Presidenti Donald Trump do të marrë pjesë në samitin e NATO-s muajin e ardhshëm në Turqi, ku pritet të paraqesë kërkesat e SHBA-së për ndryshime dhe të bëjë thirrje që aleatët të rrisin shpenzimet e tyre për mbrojtje.
Këtë pohim, Marco Rubio e bëri përpara Komitetit për Çështjet e Jashtme të Dhomës së Përfaqësuesve në Uashington, ku sekretari i shtetit theksoi se Presidenti Donald Trump do të marrë pjesë në samitin e NATO-s muajin e ardhshëm në Turqi, ku do të paraqesë kërkesat e SHBA-së për ndryshime dhe do të bëjë thirrje që aleatët të rrisin shpenzimet e tyre për mbrojtje.
Samiti është caktuar të mbahet më 7 dhe 8 korrik në Ankara.
“Ne jemi ende anëtarë të NATO-s, por aleanca ka nevojë për ndryshime të thella, dhe Presidenti e ka bërë këtë të qartë”, u shpreh rubio.
Kreu i DASH shtoi se Trump është veçanërisht i shqetësuar se disa vende, përfshirë Spanjën, nuk kanë lejuar përdorimin e bazave ajrore për luftën e SHBA-së kundër Iranit. Rubio u pyet gjithashtu për kërkesën e Trump-it lidhur me Groenlandën.
Ai u shpreh se Groenlanda mbetet për momentin pjesë e Danimarkës dhe diskutimet mbi përdorimin e saj për qëllime të mbrojtjes kolektive janë ende në zhvillim.
Kryediplomati amerikan nuk dha detaje të tjera, por u shpreh vetëm se “do të kemi disa lajme shumë të mira.”
