Aktorja e njohur Sharon Stone, 67 vjeç, ka reflektuar mbi jetën e saj personale dhe profesionale në një intervistë për “Harper’s Bazaar Spain”, duke rrëfyer ndikimin e madh që kanë pasur këshillat e të atit që në fëmijëri.
Stone kujtoi se babai e inkurajonte gjithmonë të luftonte për veten dhe të mos dorëzohej, një mësim që e ka shoqëruar gjatë gjithë karrierës dhe jetës private.
Atë nuk e pëlqejnë
-tha ajo, duke pranuar se pavarësia dhe forca e karakterit shpesh janë parë me skepticizëm në industrinë e filmit, edhe pse i sollën sukses të madh me filma si “Basic Instinct”.
Aktorja theksoi se mbështetjen më të madhe e ka gjetur te gratë. Sipas saj, figura të forta femërore kanë hyrë në jetën e saj në momente vendimtare, duke i dhënë këshilla të shkurtra, por shpëtimtare.
Në një farë mënyre, ato gra më shpëtuan jetën
-u shpreh Stone.
Duke reflektuar më gjerësisht, ajo foli për fuqinë e grave, të cilat i konsideron krijueset dhe vendimmarrëset e botës, pavarësisht perceptimit se burrat mbajnë kontrollin.
Sot, me përvojën e viteve, Sharon Stone thotë se e sheh më qartë reagimin e burrave ndaj pavarësisë së saj, por mbetet besnike ndaj mësimit themelor të fëmijërisë: të mos dorëzohet kurrë, edhe nëse kjo sjell pakënaqësi apo rezistencë.
