Në Bruksel u mbajt pasditen e kësaj të enjte shorti për Nations League. Shqipëria, e cila është pjesë e Ligës C në vazon e parë, mësoi kundërshtarët që do ketë në këtë kompeticion. Kuqezinjtë e Sylvinhos do të kenë përballë kombëtare si Finlanda, Bjellorusia dhe San Marino.
Shorti mund t ë konsiderohet i pranueshëm, duke marrë parasysh nivelin e kundërshtarëve.
Ndeshja e parë e fazës së grupeve do të mbahet në periudhën 24-26 shtator, ndërsa takimi i dytë është i programuar në datat 27-29 shtator. Ndeshja e tretë e grupit do të zhvillohet nga 30 shtatori deri më 3 tetor, sakaq e katërta në periudhën 4-6 tetor.
Takimi i pestë i grupit do të luhet nga 12-14 nëntor, ndërsa përballja e fundit është planifikuar në datat 15-17 nëntor. Shqipëria synon që të arrijë rezultate pozitive dhe të ngjitet në Ligën B.
LEXO EDHE: Armand Duka merr pjesë në Kongresin e UEFA-s, miratohen vendimet për disa ndryshime në statut!
Përveç Shqipërisë, edhe Kosova njohu së fundmi kundërshtarët në Nations League. Dardanët, të cilët ishin pjesë e Ligës B, do të përballen me ekipe si Izrael, Austria dhe Republika e Irlandës.
Kundërshtarë të fortë për ekipin e Franco Fodës, duke marrë parasysh që bëhet fjalë për rival që kanë emër të madh. Kosova do të provojë të ngjitet në Ligën A, mision ky mjaft i komplikuar.
