Superliga shqiptare e futbollit do e zhvillojë raundin e 16-të në mesjavë. Të mërkurë në program janë tre duele, ndërsa të enjte luhen dy sfida.
Në datën 4 dhjetor luhen tre duele në dy orare të ndryshme. Në 16:30 zhvillohen Teuta – Laçi dhe AF Elbasani – Bylis, ndërsa në orën 19:30 në “Loro Boriçi” të Shkodrës zhvillohet Vllaznia – Dinamo.
E enjtja zbret katër skuadra në fushë, duke filluar nga ora 17:00. Në Korçë luhet Skënderbeu – Tirana, me vendasit që kanë në favor edhe klimën e ftohtë të këtyre ditëve. Në kryeqytet, Partizani pret kampionët në fuqi të Egnatias. Ndeshje direkte kjo për vendin e parë.
Pas 15 ndeshjeve të luajtura, Partizani me 28 pikë mban kreun e renditjes, ndjekur nga Egnatia, Vllaznia dhe Dinamo. Laçi, Skënderbeu dhe Bylis në fund. Bie në sy se Tirana është klubi me më pak fitore këtë sezon, vetëm dy.
Superliga, raundi 16-të:
E mërkurë, 4 dhjetor 2024
16:30 Teuta – Laçi
16:30 AF Elbasani – Bylis
19:30 Vllaznia – Dinamo
E enjte, 5 dhjetor 2024 – 17:00
Skënderbeu – Tirana
Partizani – Egnatia
