Aktori i njohur Gene Hackman dhe gruaja e tij janë gjetur të vdekur në shtëpinë e tyre në Santa Fe, New Mexico. Shkaku i vdekjes së tyre ende nuk është bërë i ditur, derisa pritet të zbulohen detaje më vonë. Aktori 95-vjeçar, është fitues i çmimit Oscar për rolin kryesor në The French Connection, një film aksion i vitit 1971 nga William Friedkin, ai po ashtu kishte fituar një çmim tjetër për “Aktori më i mirë” për rolin dytësor. Hackman gjithashtu njihet për rolin e Lex Luthor në filmat e Supermanit të viteve 70 dhe 80 si dhe në The Conversation dhe Mississippi Burning.
Ai mbahet mend për rolin e kapitenit Frank Ramsey së bashku me Denzel Washington në thrillerin e vitit 1995 Crimson Tide. Fituesi i Oscar-it, Gene Hackman, kishte zbuluar së fundmi se ai shpesh refuzon të shikojë filmat e tij sepse është i pasigurt për rolet e tij. Përkatësisht, ai e filloi karrierën e tij si aktor në produksionet e Hollivudit që nga vitet 1960 derisa mori rolin kryesor në filmin “Bonnie and Clyde” në vitin 1967, i cili i dha një nominim për Oscar. Gjatë gjithë karrierës, Hackman ka marrë ndonjëherë komente negative në lidhje me talentin dhe rolet e aktrimit. Një nga mësuesit e tij të aktrimit i tha se nuk do të mund të arrinte kurrë asgjë.
Rrjedhimisht, Hackman zhvilloi një zakon për të qenë shpesh kritik ndaj punës së tij. Një nga filmat që ai tregon se nuk pranon të shikojë është “Unforgiven” i vitit 1992, të cilin ai e ka drejtuar dhe në të cilin Clint Eastwood luan rolin kryesor. Në këtë film, Hackman luajti rolin e një polici. Së bashku me Hackman dhe Eastwood, kasti kryesor i “Unforgiven” përfshin Morgan Freeman dhe Richard Harris dhe skenaristi i filmit është David Webb Peoples. Filmi pati një sukses të madh financiar, duke fituar 159 milionë dollarë me një buxhet prej 14.4 milionë dollarësh. Ky film fitoi katër çmime Oscar, duke përfshirë Oscarin për aktorin më të mirë dytësor, i cili iu dha Hackman.
