Një grua që u fsheh për 21 vjet me ‘këmbët elefantit’ tani është e panjohur pasi shpenzoi 10 mijë paund për operacion. Yasmina Kemppainen filloi të përjetonte dhimbje në këmbë kur ishte vetëm 12 vjeç dhe ato filluan të ënjteshin menjëherë pas kësaj.
Duke dyshuar se diçka nuk shkonte, Yasmina më në fund vizitoi një mjek në vitin 2018 dhe u diagnostikua me lipoedemë, një gjendje e rrallë që shkakton një grumbullim jonormal të yndyrës. Menaxherja e komunikimit, nga Finlanda, u mbyll në vetvete nga mosha 12-vjeçare deri në diagnozën e saj 21 vjet më vonë. Ajo tha:
Isha 12 vjeçe kur fillova të vërej dhimbje në këmbë. Ndonjëherë ato fryheshin dhe e dija se dukeshin ndryshe. Ishte dëshpëruese të vërehesha aq shumë. Njerëzit thoshin se isha shumë e dobët, por këmbët e mia…
Yasmina e urrente pjesëmarrjen në ngjarje sociale apo plazh dhe tregoi se si gjendja e pushtoi ngadalë jetën e saj. Të rriturit e tjerë gjithashtu do t’i referoheshin këmbëve të saj si këmbë elefanti ose do t’i thoshin asaj të humbiste peshë.
Të tjerët më thoshin të humbisja peshë. Nuk më pëlqente të shkoja në ngjarje sociale sepse nuk doja të tregoja këmbët. Nuk shkova në plazh, nuk mund të kërceja pa u lodhur lehtë, as në punë nuk ia dilja dot më.
