Kanë kaluar gati pesë muaj që kur Kim Kardashian dhe Pete Davidson u lidhën për herë të parë në mënyrë romantike pasi u panë dhe u fotografuan të kapur për dore në një udhëtim që bënë së bashku. Kohët e fundit, Kardashian, 41 vjeç dhe Davidson, 28, kanë vazhduar të shijojnë daljet së bashku në publik dhe kanë zyrtarizuar lidhjen e tyre edhe në rrrjetet e tyre sociale si Instagram. Përveç kësaj, të dy kanë folur për romancën e tyre disa mujore në intervistat përkatëse.
Por një burim i afërt i çiftit është shprehur për PEOPLE se:
Kim është e çmendur pas Pete. Ai po kalon pjesën më të madhe të kohës në Los Angeles tani. Ai po njihet ngadalë me fëmijët e saj. Megjithatë Kim nuk po e shtyn atë. Pete nuk e kalon natën në shtëpinë e saj. Kim dëshiron që kjo të jetë një situatë komode për të gjithë.
Mes marrëdhënies së saj me Davidson, nëna e katër fëmijëve është marrë me procedurat e vazhdueshme të divorcit. Kardashian paraqiti kërkesën për divorc nga West, 44 vjeç, në shkurt 2021 pas shtatë vitesh martesë dhe u shpall ligjërisht beqare këtë muaj.
“Ajo dëshiron të respektojë gjithashtu Kanye”, thotë burimi për takimin e Davidson me fëmijët e tyre. Në fillim të këtij muaji, reperi shkaktoi disa polemika mbi një video muzikore për këngën e tij, “Eazy”, ku shfaqej “The Game”, që dukej se tregonte Davidson të rrëmbyer, të lidhur dhe të varrosur të gjallë nga West. Davidson dyshohet se e adresoi çështjen me West, duke i kërkuar artistit “Donda” të fliste personalisht me të. Burimi vazhdon duke treguar:
Kim është thjesht shumë e lumtur dhe serioze me Pete. Familja e saj pëlqen ta ketë pranë. Ai është shumë i ëmbël për Kim. Të gjithëve u pëlqen ta shohin atë kaq të lumtur.
Themeluesja e SKIMS dhe aktori për herë të parë u bënë tituj në tetor 2021 ndërsa ndanë një puthje në ekran në “Saturday Night Live”. Gjatë episodit, i cili shënoi debutimin pritës të Kardashian, dyshja luajtën çiftin ikonik të Disney-t, Jasmine dhe Aladdin.
