Grupi talebanë, që sundonte Afganistanin në vitin 1966, është tani në kontroll të më shumë se gjysmës së vendit. Malala Yousafzai është një grua e cila po i jep zë shqetësimeve të saj lidhur me kontrollin e talebanëve në Afganistan.
Ditën e kaluar, 24-vjeçarja, aktivistje e të drejtave të njeriut, e cila ishte vetëm 15 vjeçe kur një taleban i armatosur hyri në shkollë e saj dhe e qëlloi atë në fytyrë, shprehu shqetësimin e saj lidhur me gratë, minoritetet dhe avokatët e të drejtave të njeriut teksa kërkon ndihmën e pushteteve globale, rajonale dhe lokale lidhur me këtë çështje.
Në një postim në Twitter, ajo shkroi:
Jemi të shokuar teksa shohim si talebanët po marrin pushtetin e Afganistanit. Jam shumë e shqetësuar për gratë, minoritetet dhe avokatët e të drejtave të njeriut. Pushtetet globale, rajonale dhe lokale duhet të ndërhyjnë patjetër dhe të sigurojnë ndihmë të menjëhershme dhe të mbrojnë refugjatët dhe civilët.
We watch in complete shock as Taliban takes control of Afghanistan. I am deeply worried about women, minorities and human rights advocates. Global, regional and local powers must call for an immediate ceasefire, provide urgent humanitarian aid and protect refugees and civilians.
— Malala (@Malala) August 15, 2021
Javën e fundit, të gjitha mediat raportuan se talebanët sulmuan disa qytete provinciale në Afganistan. Ky grup ka tashmë nën sundim më shumë se gjysmën e vendit. Muaj pasi presidenti i SHBA, Joe Biden lajmëroi tërheqjen e trupave amerikanë nga Afganistani, administrata e tij po dërgon trupa për të siguruar mbrojtje teksa amerikanët evakuojnë banorët.
CNN raportoi se trupat do të mbërrijnë në Kabul në fund të kësaj jave. Shtëpia e Bardhë doli në një deklaratë zyrtare ditën e djeshme, ku u shpreh:
Presidenti i SHBA së bashku me zëvendës presidentin, u takuan në një videokonferencë me skuadrën e tyre të sigurimit kombëtar, për të dëgjuar lajmet e fundit lidhur me situatën e civilëve në Afganistan, evakuimin e tyre dhe situatën aktuale në Kabul.
Në një deklaratë, Joe Biden u shpreh se ai ka autorizuar qeverinë e tij që të sigurohet për mbrojtjen dhe evakuimin e civilëve në Afganistan. Trupat e dërguar në aeroportin e Kabulit nuk do të përfshihen drejtpërdrejtë në luftën kundër talebanëve. Përkundrazi, ato do të asistojnë në sigurinë e njerëzve dhe në evakuimin e punonjësve të ambasadës, siç tha dhe shefi i Pentagonit, Jonh Kirby më herët.
Rikutojmë se, së fundmi, ish-Presidenti i SHBA, Donald Trump i ka kërkuar Joe Biden të japë dorëheqjen. Trump ka deklaruar se ajo çfarë Biden ka bërë në Afganistan kohët e fundit është legjendare dhe situata aktuale është një turp. Po ashtu Trump thekson se ky zhvillim do të shënohet si një nga humbjet më të mëdha në historinë amerikane.
