Celebrities Gossip Showbiz

Amber Heard “sakrifikon” dhuratën super luksoze të Elon Musk për të shlyer gjyqin e humbur me Johnny Depp!

Aktorja e njohur Amber Heard do të shesë një dhuratë shumë të shtrenjtë që ka marrë dikur nga Elon Musk, në mënyrë që të paguajë Johnny Depp, pas humbjes së gjyqit për shpifje. Heard ka qenë në një lidhje me themeluesin e ‘Tesla’ dhe ‘Space X’, ndaj edhe dhuratat e majme nga miliarderi afrikano-jugor nuk kanë qenë të pakta. Një nga dhuratat më të shtrenjta ishte një makinë ‘Tesla Model X’. Makina elektrike mund të përshkojë 628 km me një karikim të vetëm dhe ka plot 1200 kuaj fuqi.

Pavarësisht se është një makinë shumë e madhe, ajo mund të arrijë nga 0 në 100 km/h për 2.1 sekonda dhe ka një shpejtësi maksimale prej 250 km/h. Më herët, ka pasur polemika dhe dyshime për makinën nëse aktorja e kishte blerë vetë apo e kishte dhuratë. Mendohej se, si aktore, ajo mund t’i përballojë çmime të tilla të larta, por nuk zgjati shumë dhe u mësua se makina ishte dhuratë nga Musk. Mendohet se vlera e plotë e makinës shkon në rreth 130.000 dollarë.

Ndërkaq, thuhet gjithashtu se Amber Heard është në bisedime për të shkruar një libër që tregon gjithçka për të rritur të ardhurat e saj pas humbjes së padisë prej 10 milionë dollarësh për shpifje kundër ish-bashkëshortit Johnny Depp. Një burim i afërt me yllin e “Aquaman” pohoi se aktorja 36-vjeçare nuk ishte në gjendje të refuzonte paratë. Ata thanë se ajo e konsideron të përfunduar karrierën e saj në Hollywood dhe se nuk ka asgjë për të humbur pas disa muajsh katastrofik.

Ndërkaq, ju shuajmë një kuriozitet. Amber Heard ka fytyrën më të përsosur në botë, sipas një mjeku që përdori raportin e artë grek të bukurisë për të mbështetur pretendimin e tij. Ky raport i ‘Phi’ u zbulua nga grekët dhe përdoret në matematikë, art, dizajn, film, fotografi, etj. Raporti mund të gjendet kudo në natyrë dhe shumë e kanë konsideruar atë një formulë sekrete për të krijuar perfeksion.