Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Celebrities Gossip Showbiz

Ashtu siç na paralajmëruan! Flori Mumajesi dhe Anxhelina Hadërgjonaj do të publikojnë së shpejti bashkëpunimin…

Çfarëdo që prodhojnë çunat e “ThreeDots” nuk ka dyshimin më të vogël që do të kthehet në hit. Këtë e vërtetojnë jo vetëm milionat e klikimeve të tyre, por muzikën e tyre mund ta dëgjosh kudo. Ashtu siç bashkëpunimi më i fundit i tyre, që na solli një frymë shumë verore “Nina” u bërë sensacioni i kësaj vere.

Mesa duket, surprizat e çunave nuk kanë fund! Ka qenë vetë Flori Mumajesi para disa javësh ai që ka publikuar një Instastory nga studio e tij, ku dukej Bruno dhe këngëtarja e njohur shqiptare Anxhelina Hadërgjonaj.

E bashkëpunimi që po prisnim të gjithë më në fund është shumë afër publikimit. Pak orë më parë, kantautori publikoi një sekuencë shumë të shkurtër nga klipi i dyshes, duke zgjedhur të mos zbulojë asgjë më shumë.

Mirëpo, nëse rikujtojmë postimin e Florit para disa javësh, teksa shfaqej në studio së bashku me Anxhelinën dhe Brunon, ai krahas tregoi se mund të sillnin pjesën e dytë të këngës hit verore “Nina”. Ende nuk dihet nëse dyshja e artistëve do të sjellin “Nina 2” apo një projekt të ri, megjithatë ne po e presim me padurim.

Ndërkohë, edhe Anxhelina ka qenë shumë aktive me projekte të reja muzikore.  Pas rikthimit të saj në muzikë me këngën “Precious”, e cila pati një impakt shumë pozitiv dhe Anxhelina mori edhe mbështetjen e yllit të “KUWTK”, Kim Kardashian, ka publikuar këngën “Run For” dhe “No Drama”.