Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Health & Beauty

Disa nga gabimet që bëni më shpesh gjatë ecjes në këmbë!

Kur bëhet në mënyrë korrekte, ecja është një ushtrim efektiv që ndihmon për të mbajtur trupin të shëndetshëm pa u dashur të punoni. Sidoqoftë, gabimet e vogla, si mosangazhimi i muskujve ose ndërmarrja e hapave shumë të gjerë, mund të dëmtojnë shëndetin tuaj. Disa orë më vonë mund të merrni dhimbje si rezultat i zakoneve të këqija të ecjes.

Shumica nuk kanë kohë, madje as vullnet për të ushtruar çdo ditë. Por, përfitime të mëdha për trupin mund të kenë edhe 1 minutë stërvitje në ditë, sipas ekspertëve.

Ja disa nga gabimet më të zakonshme që shumë prej nesh bëjnë kur ecin:

Qeni juaj është shumë larg para jush.

Një studim ka zbuluar se njerëzit që ecin me qentë e tyre ndërsa tërheqin zinxhirin kanë më shumë të ngjarë të kenë lëndime dhe fraktura. Kjo është veçanërisht e vërtetë për njerëzit e moshuar që janë më të rrezikuar të marrin një dëmtim.

Për shkak se qeni po tërheq krahun tuaj, ai mund t’ju tërheqë ekuilibrin dhe ju bën presion mbi shpatullat, bërrylat dhe kyçet e dorës. Ju mund të merrni ndrydhje në duar, si dhe dëmtime të kyçit të dorës dhe bërrylit. Në vend të kësaj, rekomandohet të ecni me qenin tuaj afër jush në të majtë kur ta keni atë në një zinxhir.

Ju anoni shumë përpara ose prapa.

Nuk është e pazakontë që ne të harrojmë mbajtjen e qëndrimit të mirë të trupit dhe kjo mund të ndikojë shumë në shëndetin tonë. Ecja me një anim përpara ose prapa bën një tendosje në ijet tona që mund të çojnë në probleme afatgjata, si dhimbje shpine dhe ije.

Rekomandohet të ecni drejt me mjekrën paralele me tokën dhe shpatullat tuaja të relaksuara dhe të tërhequra mbrapa. Kjo do të ndihmojë në shtrirjen e trupit tuaj dhe nuk do të vë ndonjë peshë shtesë të panevojshme në ijet dhe pjesën e poshtme të shpinës.

 

Shpatullat tuaja janë të larta.

Ky zakon mund të jetë i dhimbshëm dhe është më mirë ta ndryshoni nëse është e mundur. Ecja me shpatulla të tensionuara dhe të larta mund të çojë në dhimbje qafe. Në vend të kësaj, provoni të relaksoni shpatullat dhe tërhiqini ato prapa në mënyrë që të keni një shpinë të lakuar natyrshëm.

Ju nuk përdorni duart tuaja.

Është e rëndësishme të përdorni duart kur ecni, jo vetëm për ekuilibrin tuaj. Nëse i mbani krahët anash pa i lënë të lëkunden, mund të keni probleme me rrjedhjen e gjakut. Kjo gjithashtu mund të ndikojë në shëndetin e indeve tuaja dhe mund të vini re se duart tuaja skuqen dhe fryhen, veçanërisht në mot të nxehtë. Në vend të kësaj, është më mirë të lini krahët të lëkunden pranë jush në një ritëm që përputhet me ecjen tuaj.

Hapat e tu janë shumë të mëdhenj.

Nëse ecni shumë përpara trupit tuaj, pesha e tepërt pastaj vihet në kofshët tuaja. Kjo mund të shkaktojë dhimbje dhe të çojë në dëmtim të gjurit për shkak të presionit. Nëse e gjeni veten duke e bërë këtë, është më mirë të provoni të bëni hapa më të vegjël, më të shpeshtë.