Fituesit e “The Global Awards 2022” janë shpallur tashmë. Ed sheeran, Coldplay, Anne-Marie, Dave dhe Mimi Webb janë gjithashtu ndër fituesit, ndërsa Lil Nas X fitoi Çmimin Special për Kreativitetin. Tani në vitin e tij të pestë, The Global Awards bashkon stacionet radiofonike të Global; Capital, Heart, Smooth, Classic FM, Radio X, Capital XTRA, Capital Dance dhe Gold, si dhe Global Player, për të nderuar yjet më të mëdhenj të muzikës, podcasting-ut dhe argëtimit.
Ed Sheeran ishte fituesi i madh në ceremoninë e ndarjes së çmimeve Global Awards 2022, duke marrë tre çmime në total. Me albumin e tij të katërt solo, Ed Sheeran fitoi shumë në The Global Awards 2022, duke u shpallur mashkulli më i mirë dhe artisti më i mirë britanik, me ‘Bad Habits’ të shpallur si kënga më e luajtur nëpër stacionet radio të Global në 2021. Duke folur për fitimin e tij të trefishtë të Çmimit Global, Ed Sheeran tha:
Faleminderit shumë për çmimin tim më të mirë, ky është vërtet i bukur, faleminderit Global për gjithë mbështetjen, faleminderit Ashley ishte një rrugëtim i gjatë dhe faleminderit që nga dita e parë që ke qenë kaq mbështetës.
Kujtojmë gjithashtu se artisti i njohur Ed Sheeran ka fituar së fundmi një betejë të Gjykatës së Lartë për të drejtat e autorit mbi hitin e tij të vitit 2017, “Shape of You”. Një gjykatës vendosi këtë të mërkurë, më 6 prill, se kantautori nuk kishte bërë plagjiaturë në këngën e vitit 2015 “Oh Why” nga Sami Chokri. Chokri, i cili interpreton nën emrin Sami Switch dhe bashkëshkrimtari i tij Ross O’Donoghue, pretenduan se pjesa “Oh I” në “Shape Of You” është çuditërisht i ngjashëm me refrenin “Oh why” në këngën e tyre.
