Ndodhitë ditore të “Big Brother Albania VIP” vijnë të komentuara live në emisionin “Big Brother Radio” me të ftuar personazhe të njohur, por mbi të gjitha në zërin e publikut. Këtë mbrëmje me Elona Duron ka qenë ish-futbollisti i kombëtares shqiptare të futbollit Andi Lila dhe gazetari i njohur i sportit Alban Xhihani.
Si vjen ky edicion i ri tek Albani, cili është opinioni i tij i përgjithshëm për BBV?
Me të thënë të drejtën shoh vetëm Prime-t. Impenjimet familjare dhe ato profesionale nuk ma japin mundësinë që të rri përpara, por shyqyr kemi këto rrjetet sociale që do, s’do i nxjerrin ato momentet kryesore dhe ti arrin të krijosh një lloj ideje për atë që po ndodh. Kam përshtypjen se kur ndodh njëherë, pra e lidh me Big Brother e parë, Big Brother i dytë, i tretë, i katërt kam përshtypjen se ka lojtarë më të mirë se i kanë mësuar hilet e lojës, dinë të bëjnë lojë. Ne kemi krijuar një ide për të gjithë personazhet që janë aty, për VIP-at që janë aty dhe pak a shumë i njohim. Sado ti të çlidhesh përpara ekranit, diçka e kupton nga vetja jote dhe aty kuptohet që pjesa më e madhe ose të gjithë janë në lojë. Dalin pak nga karakteri i tyre i vërtetë për të bërë lojën e tyre.
Më tej, ai shtoi:
Kjo mendoj që është diferenca nga Big Brother i parë me atë të dytin që kishte lëvizje vetëm me një sens me Luizin. Ndërsa këtë e shoh me lojtarë më të fortë dhe shumë të vështirë për të bërë parashikime. Ky është me lojtarë më të fortë. E kanë me periudha. Janë 50 e ca ditë sot dhe unë kam parë që ngrihet njëri, ulet tjetri. Domethënë janë 3-4 personazhe që tentojnë të ngrihen sipas situatave dhe uroj që të vazhdojnë kështu. Që ai që e ndjen veten si kryesori ose më i votuari i publikut të mos rrijë në hije, por të vazhdojë të bëjë lojën e vet.
