Celebrities Film & Tv Showbiz

Fati i filmit “The Flash” mes katër rrugëve/ Warner Bros pritet të marrë një vendim për rolin e Ezra Miller!

Sipas një eksperti të industrisë së madhe “Warner Bros” bëhet me dije se do të rishikohen edhe njëherë opsionet për filmin e “The Flash” për shkak të polemikave në lidhje me akuzat e ditëve të fundit për yllin të tij Ezra Miller. Aktori 29-vjeçar, i cili përdor përemrat ata/ato, ka përfunduar xhirimet e projektit DC, i cili thuhet se ka kushtuar rreth 200 milionë dollarë deri më tani.

Pas disa shtyrjeve, “The Flash” do të dalë aktualisht në kinema më 23 qershor 2023, megjithëse një varg problemesh ligjore të ndërlikuara në muajt e fundit për Millerin mund të ndikojnë në shfaqjen e filmit. Gary Rosen, një ekspert i PR për menaxhimin e krizave, u shpreh për “PEOPLE” se:

Është një investim i madh dhe gjëja e fundit që Warner Bros dëshiron është që ky film të mos publikohet. Që ky të mos dalë do të ishte një humbje e madhe. Unë do të mendoja se ata duan që ky film të dalë. Dhe duke qenë se nuk është planifikuar të dalë deri në qershor 2023, ka kohë. Ajo që dëshirojnë është që kjo histori dhe vëmendja negative për të të largohet, kështu që shpresojmë që në kohën kur ky film të jetë gati për premierë, të gjithë do të kenë harruar për të gjitha këto gjëra të këqija. Siç thotë Flash, megjithatë, ka disa gjëra që mund t’i tejkaloni, por disa gjëra gjithmonë arrijnë t’ju kapin.

Rosen thotë se Warner Bros nuk duhet të marrë ndonjë vendim.

Unë do ta këshilloja “Warner Bros”. të qëndrojë dhe pak. Ne jemi rreth 10 muaj larg nga një publikim. Ata me të vërtetë nuk duhet të marrin një vendim tani, nëse nuk do të ndodhte diçka vërtet tragjike, të cilën ne nuk e duam.

Në fillim të këtij muaji, CEO i “Warner Bros. Discovery”, David Zaslav tha se gjatë raportit të fitimeve të kompanisë në tremujorin e dytë, ekipi krijues ka “parë” një pjesë të filmave të “The Flash” dhe të tjerë të kompletuar DC dhe “janë shumë të emocionuar për to”. Ai shtoi:

Ne mendojmë se ata janë të mrekullueshëm dhe ne mendojmë se mund t’i bëjmë ata edhe më të mirë.