Gjatë një seance gjyqësore të mbajtur ditën e djeshme, Britney Spears rrëfeu detaje tronditëse për kujdestarinë e babait të saj. Këngëtarja tregoi se i është nënshtruar vlerësimeve të shumta psikike, ilaçeve dhe se është traumatizuar nga babai i saj, Jamie Spears, përmes kontrollit të tij. Ajo ka thënë në gjykatë se nuk ka folur publikisht në lidhje me këtë çështje, sepse mendonte se askush nuk do e besonte.
Gjithashtu ajo zbuloi se nuk mund të mbetet shtatzënë për shkak të rregullave ligjore, që u vendosën në fuqi në 2008, sepse kujdestarët e saj nuk aprovojnë heqjen e kontrollit të lindjes.
Ndërkohë pas këtij rrëfimi këngëtarja ka marrë mbështetje nga shumë personazhe të njohur, mes tyre edhe nga ish-partneri i saj Justin Timberlake. Në disa postime në “Twitter”, ai shkruan:
Pas asaj që pamë sot, ne duhet ta mbështesim Britney-n në këtë moment. Përtej të shkuarës sonë, të mirë dhe të keqe dhe nuk ka rëndësi sa kohë më parë ka ndodhur… ajo që po ndodh me të nuk është e drejtë. Asnjë grua nuk duhet të ndalohet për të marrë vendime për trupin e saj. Askush nuk duhet të mbahet kundër dëshirës së tij… apo të kërkojë leje për të pasur akses mbi gjërat për të cilat ka punuar gjithmonë shumë fort. Jessica dhe unë i dërgojmë Britney-t gjithë dashurinë tonë dhe mbështetje absolute në këtë kohë të vështirë. Shpresojmë që gjykata dhe familja e saj të vendosin drejtësi dhe ta lenë atë të jetojë ashtu siç ajo dëshiron të jetojë.
After what we saw today, we should all be supporting Britney at this time.
Regardless of our past, good and bad, and no matter how long ago it was… what’s happening to her is just not right.
No woman should ever be restricted from making decisions about her own body.
— Justin Timberlake (@jtimberlake) June 24, 2021
Jess and I send our love, and our absolute support to Britney during this time. We hope the courts, and her family make this right and let her live however she wants to live.
— Justin Timberlake (@jtimberlake) June 24, 2021
Justin dhe Britney nisën një lidhje dashurie në vitin 1999 dhe u ndanë në 2002-n, 6 vite para se këngëtarja të merrej në kujdestari nga i ati.