Kohëve të fundit autorja Olsa Muhameti na kishte treguar se së shpejti duhet të presim prej saj një program bombë, i cili do të titullohej “Kepi i Tundimeve” dhe do të fillonte këtë muaj, ku do të përmbante vetëm 10 episode, por ndryshe nga programet e tjera që jemi mësuar të shikojmë, ky program nuk do të ketë prezantues.
Programi filloi dhe episodet e para u transmetuan, duke i lënë të gjithë gojëhapur nga ky format. ‘Kepi i Tundimeve’ është programi më i ri që ka nisur në Top Channel dhe transmetohet çdo të premte në orën 21:00. 10 konkurrentë, të rinj, seksi, aventurierë, do t’ju duhet të bashkëjetojnë në një vilë ku nuk do të mungojnë sfidat, lojërat dhe tundimet padyshim. Mirëpo, mes tyre nuk duhet të marrëdhënie intime apo puthje pasi buxheti i tyre do të ulet.
E duket se këto rregulla nuk zgjatën shumë, pasi një tjetër rregull do të thyhet këtë të premte nga Anxhela dhe Mateo, të cilët shkëmbyen një puthje në buzë me njëri-tjetrin. Kjo gjë do të ulë plot katër mijë euro nga buxheti i konkurrentëve. E në vetëm një promo të shkurtër nga çfarë na pret në këtë episod, kuptojmë se situata do të ‘nxehet’ vërtetë shumë.
Një prej rregullave u thye të premten e kaluar nga një prej vajzave që deri më tani ka qenë më e përmbajtura. Bëhet fjalë për Efin, së cilës iu gjet në sirtarin e dhomës së saj një lodër vetkënaqësie, gjë që është e ndaluar në program. Për këtë të gjithë konkurrentët janë ‘ndëshkuar’ duke iu ulur nga buxheti plot 2 mijë euro.
