Pas muajsh takimesh dhe fotografish të fshehta në “Instagram”, këngëtarja Rita Ora dhe Taika Waititi bënë daljen e tyre të parë zyrtare si çift në eventin që Rita organizoi për 4 Korrik. Pas muajsh spekulimesh, gjërat duken se janë serioze mes Rita Orës dhe regjisorit.
Ndërsa çifti i dyshur ishte parë së bashku më parë në dalje dhe në publik së bashku, ngjarja e tyre e parë si çift u duk të ndodhte në festën e Rita Orës për produktin e saj “Prospero Tequila” në Amerikë më 4 korrik.
Të dy, Rita dhe Taika, ishin të veshur me ngjyra të forta, teksa pozuan së bashku në një fotografi. Rita kishte veshur një fustan ngjyrë rozë, ndërsa regjisori u pa i veshur me një bluzë të kuqe, të bardhë dhe blu, si flamuri amerikan, teksa kishte vënë dhe një palë syze dielli të kuqe.
Rita postoi një seri fotografish në llogarinë e saj në “Instagram” pas ngjarjes. Ajo shkroi:
Faleminderit të gjithë miqve të mi që erdhën në festën time më 4 Korrik.
Ndërkohë Taika Waititi ka reaguar së fundmi dhe për fotot që bënë xhiron e rrjetit, ku shfaqej duke puthur në buzë Rita Ora dhe aktoren amerikane Tessa Thompson.
Rikujtojmë se, Rita Ora, ka publikuar javën e kaluar këngën e saj më të re. “You For Me” mban titullin kënga e saj e re, e cila vjen në bashkëpunim me DJ-in e famshëm britanik, Sigal. Aktualisht, ky projekt muzikor është publikuar në “YouTube” vetëm në versionin audio me tekst, e për pak ditë pritet të publikohet edhe klipi.