Aktori i njohur Kevin Spacey i cili është në gjyq në Londër për sulme seksuale të dyshuara ndaj katër burrave dëshmoi së fundmi se ai thjesht preku një nga akuzuesit në një mënyrë flirtuese. 63-vjeçari i “House of Cards” tha se:
Unë jam një flirtues i madh. Dalëngadalë me kalimin e kohës u bë më intime, por për të qenë të qartë, ne kurrë nuk bëmë seks sepse ai e bëri të qartë se nuk donte të shkonte më larg dhe unë e respektova. Kemi kaluar një kohë të mirë së bashku. Ne qeshëm shumë.
Kevin Spacey theu heshtjen pasi u lirua nga akuzat për abuzim seksual duke shprehur se:
Mediat më shndërruan në një përbindësh.
Megjithatë, ‘viktima’ e supozuar nuk ndan të njëjtat ndjenja ndaj fituesit të “Oscar”. Burri, anonimiteti i të cilit mbrohet nga ligji anglez, thuhet se e quajti Spacey një “grabitqar seksual” gjatë një dëshmie të mëparshme. Megjithatë, Kevin ndihet i tradhtuar nga akuzuesi i tij, duke i thënë gjykatës:
Nuk e kisha menduar kurrë se do të më godiste me thikë pas shpine 20 vjet më vonë.
Aktori u akuzua në qershor 2022 për sulmin e dyshuar të katër burrave gjatë kohës së tij si drejtor artistik i teatrit “Old Vic” të Londrës midis 2004 dhe 2015. Spacey është nderuar së fundmi me një çmim për karrierën e tij pavarësisht polemikave mbi akuzat për ngacmime seksuale që kanë njollosur reputacionin e aktorit. Ai u vlerësua për kontributin personal në zhvillimin e gjinisë së dramës. Për këtë rast, 63-vjeçari ishte i ftuar për të folur në muzeun e kinemasë në Torino.
