Së fundmi, ish-modelja e Victoria’s Secret, Jasmine Tookes, është martuar me partnerin e saj, themeluesin e Snapchat, Juan David Borrero në një ceremoni tepër të veçantë në Borrero, Ecuador. Tookes kishte veshur një fustan nusërie të Zuhair Murad, një model i frymëzuar nga fustani i nusërisë i Grace Kelly, 65 vjet më parë, kur u martua me Princin e Monakos, Rainier III.
Tooker shkroi në një kolazh fotosh të postuara në rrjetin e saj social Instagram këto fjalë:
Ende nuk mund të besoj që po jetoj një përrallë të jetës së vërtetë me Juan David Borrero. Jam zyrtarisht zonja Borrero.
Në një kolazh të dytë fotosh magjike, Tookes falënderoi Murad-in për fustanin e jashtëzakonshëm që i ka dhënë një pamje magjike.
Faleminderit që e bëre të vërtetë fustanin klasik, të përjetshëm dhe të bukur. Është një vepër arti! Kushdo nga ju e kupton se kush ishte frymëzimi im? Dua ta shoh kështu përgjithmonë në shtëpinë time!
Menjëherë pas postimit të këtyre fotove, fansat e kuptuan menjëherë që fustani i ngjante modelit të hershëm të aktores së njohur Grace Kelly.
Fustani i Tookes kishte një vello të gjatë 15 metra, i mbushur me rruaza, dantella dhe qëndisje. Supermodelja e plotësoi pamjen me një palë vathë diamanti nga ‘Ritani’ dhe taka të bardha të personalizuara nga Sarah Flint.
Së fundmi ju rikujtojmë se aktorja e njohur Lily Collins është martuar me të fejuarin e saj, regjisorin Charlie McDowell, në një ceremoni private në Dunton Hot Springs, Colorado. Ylli i “Emily In Paris” dhe vajza e rokerit Phil Collins, e ndau lajmin e lumtur në rrjetin social Instagram me një fotografi mahnitëse nga dita e madhe, me të e cila shkëlqente.
