“Pizza Hut” po planifikon të përdorë teknologjinë AI për të rekomanduar porosi për klientët bazuar në motin në vendndodhjen e tyre. Tristan Burns, kreu global i analitikës i “Pizza Hut Digital Ventures” tha në një intervistë për “VentureBeat” se:
Sipas mediave të huaja, zinxhiri i restoranteve po ndërton teknologjinë e vet të inteligjencës artificiale për të kuptuar më shumë rreth asaj që duan klientët.
Megjithatë, Burns shprehu se Pizza Hut ishte në fazat e hershme të zhvillimit të teknologjisë duke mos dhënë shumë detaje rreth asaj se si do të ndikonte në rekomandimet ndaj klientëve. Ndryshe, zinxhirët e tjerë të restoranteve kanë investuar në teknologjinë AI vitet e fundit, për arsye të ndryshme. Për shembull, në vitin 2019 McDonald’s bleu teknologjinë e njohjes së zërit AI Apprente “për të përshpejtuar porositë”.
Rikujtojmë, se një lloj i ri “kuzhinierësh” po bëjnë bujë në skenën e restoranteve parisiene në lagjen Beaubourg të kryeqytetit francez. Sipas mediave të huaja, bëhet fjalë për restorante si piceria e re ‘Pazzi’ e cila është e pajisur tërësisht nga robotë, nga marrja e porosive, përgatitja e brumit, deri tek vendosja e picave në kuti.
Ndërkaq, pët të gjithë amvisat ne ju themi të ndiqni 5 rregullat e arta që ju duhen për të fituar shpejt recetën e picës perfekte. Përgatitja e picës në shtëpi nuk është thjesht një proces gatimi, por edhe një eksperiencë e kënaqshme në të cilën mund të përfshihet e gjithë familja. Me këshillat e duhura ju mund të arrini shpejt në përgatitjen e picës perfekte të restorantit në shtëpitë tuaja.
