Së fundmi, Britney Spears ka deklaruar se është goditur në fytyrë nga një roje sigurie që mbronte basketbollistin francez Victor Wembanyama në Las Vegas. Në një postim në mediat sociale këngëtarja u shpreh se incidenti ishte një “përvojë traumatike” për të cilën ajo ishte e papërgatitur. Nga ana e tij Wembanyama tha se ai “nuk pa se çfarë ndodhi”, por se dikush u shty.
Së fundmi, ylli i muzikës pop ka reaguar në Instagramin e saj në lidhje me videon virale duke shprehur se:
Nuk ndihem sikur jam trajtuar si e barabartë në këtë vend… sigurisht kur e pashë videon vet… njerëzit që u mblodhën rreth meje kur më dëgjuan se më goditën, më bënë të ndihesha sikur kisha rëndësi.
Britney theksoi gjithashtu se nuk ka qenë shumë e vetëdijshme në momentin e incidentit dhe se njerëzit kanë mundur ta dëgjojnë vetëm duke sharë dhe se kjo është shumë më mirë se t’ia kishte kthyer goditjen. Ndërkaq, bashkëshorti i këngëtares Britney Spears, Sam Asghari reagoi kundrejt truprojës së Victor Wembanyama. Aktori bëri një postim në InstaStory duke shprehur se:
Unë jam kundër dhunës në çdo formë, veçanërisht pa justifikim në mbrojtjen e vetes apo të dikujt tjetër që nuk është në gjendje të mbrohet. Vetëmbrojtja mund të jetë e pashmangshme, por mbrojtja e çdo gruaje, veçanërisht gruas sime, nuk është e diskutueshme. Shpresoj që burri në fjalë të marrë një mësim dhe të ndryshojë mospërfilljen e tij për gratë. Nuk mund ta imagjinoj një skenar ku një fanse grua e paarmatosur që tregon ndonjë lloj emocioni apo vlerësimi për një personazh të famshëm do ta bënte atë të sulmohej fizikisht, aq më pak të goditej në fytyrë.
