Një teori konspirative është ndezur që sugjeron se Beyonce ndiqet nga një mallkim pasi incidente të dhunshme dhe të sikletshme duket se e ndjekin atë kudo që shkon kur bëhet fjalë për çmime. Ikona e muzikës 40-vjeçare ishte vetë e nominuar për Oscar të dielën mbrëma, teksa ishte në garë për çmimin e këngës më të mirë për këngën e saj, “Be Alive”, nga filmi “King Richard” edhe pse fatkeqësisht humbi nga Billie Eilish që fitoi Çmimin.
Por, ndërsa Beyonce mund të mos jetë thirrur në skenë për të marrë një Çmim të dielën mbrëma, ajo të paktën kishte një ndenjëse për të gjithë dramën që u shpalos kur Will Smith goditi me shuplakë Chris Rock në fytyrë, pasi ai bëri një shaka për gruan e tij, Jada Pinkett-Smith.
Kamerat e botës kapën reagimet shumë të ndryshme të Beyonce dhe bashkëshortit të saj 52-vjeçar Jay-Z teksa shikonin Will që kthehej në karrigen e tij duke bërtitur. Fansat shkuan në mediat sociale pasi vunë re reagimin e Bey dhe Jay, me shumë që konsideronin se ylli kryesor i top-listës mund të ishte mallkuar kur bëhet fjalë për shfaqjet e çmimeve pasi ajo ishte e pranishme në një varg dramash.
Komentet e fansave nxorën në pah një sërë momentesh të rëndësishme së bashku me grindjen famëkeqe të së dielës në mbrëmje mes Will dhe Chris. Ndërkohë, Solange Knowles, motra më e vogël e Beyonce krijoi tensione në një skenë mes saj dhe Jay Z në vitin 2014 në MET Gala.
Gjithashtu, kujtojmë në MTV VMA në vitin 2009, situatën mes Kanye West dhe Taylor Swift, ku nuk mbeti pa u përmendur emri i Beyonce. Epo duket se kur bëhet fjalë për një event madhështor ku përfshihet Beyonce, incidentet dhe ngjarjet e pazakonta nuk kanë të sosur.
