Prania e Taylor Swift në ndeshjen e katërt të Finales së NBA-së ka shkaktuar jo vetëm entuziazëm mes tifozëve, por edhe një moment të papritur që po bën xhiron e rrjetit.
Analistja e radios së New York Knicks, Monica McNutt, u kap nga një mikrofon i hapur teksa ekipi i transmetimit diskutonte mbi praninë e yllit të muzikës pop në arenë. Komenti i saj i drejtpërdrejtë u bë menjëherë viral dhe ndezi debat në rrjetet sociale.
Gjithçka nisi kur një nga anëtarët e ekipit pyeti:
A është Taylor Swift aty poshtë?
Pasi mori konfirmimin se këngëtarja ndodhej në arenë, McNutt reagoi pa hezitim.
Ajo nuk është fanse e Knicks, largohu nga këtu, vajzë!
-dëgjohet të thotë analistja.
Komenti i saj nuk kaloi pa reagime. Themeluesi i Barstool Sports, Dave Portnoy, doli në mbrojtje të Swift, duke argumentuar se artistja ka qenë prej vitesh e lidhur me New York-un dhe ka treguar vazhdimisht mbështetje për Knicks.
E trishtueshme. Nuk më pëlqen ta shoh Monica McNutt duke e sulmuar Taylor Swift. Ka shumë fytyra të reja në tribunë dhe nuk e shoh duke i veçuar ata. Knicks po shpërbëhen
-shkroi Portnoy në rrjetet sociale.
Momenti u përhap me shpejtësi në internet, ku fansat e Taylor Swift nxituan të kujtonin se këngëtarja ka folur shpesh për dashurinë e saj ndaj New York-ut dhe është parë në disa raste duke ndjekur ndeshje të ekipit.
Shumë përdorues e cilësuan reagimin e McNutt si të panevojshëm, ndërsa të tjerë argumentuan se komenti ishte thjesht një shaka spontane mes kolegësh.
Deri më tani, Monica McNutt nuk ka bërë asnjë deklaratë publike për incidentin që po vazhdon të komentohet gjerësisht në rrjet.
Ndërkohë, prania e Taylor Swift në tribunat VIP ishte një nga momentet më të përfolura të mbrëmjes. Sipas raportimeve, këngëtarja kishte planifikuar prej kohësh të ndiqte nga afër sfidën e rëndësishme të NBA-së dhe pritej të ishte e ulur pranë fushës gjatë ndeshjes.
