Kanye West është duke vazhduar një ‘luftë’ të pakuptimtë me të famshmit në rrjete sociale dhe këtë herë ai ka një tjetë ‘shënjestër’. Në një nga postimet e tij në Instagram, 45-vjeçari akuzoi A$AP Rocky-n se ka fjetur me stilisten Yoon Ahn të markës Ambush. Ai u shpreh:
Ambush është e dobët. Rocky fjeti me Yoon. Tjetri!
Për këtë ka pasur dhe një reagim nga stilistja amerikane, duke hedhur poshtë plotësisht këto aludime. Në postimet e saj ajo shkroi:
Jo vetëm që është përdorim i akuzave të rreme, por përhapja e asaj gënjeshtre në emër të Zotit për të fyer një grua është më e ulëta. Kini kujdes për profetët e rremë – Matthew 7:15.
Pas kësaj Kanye duket se është penduar për deklaratën e bërë. Në një tjetër postim ai tha:
Konfirmim i ri. Rocky nuk ka fjetur me Yonn. Ambush vazhdon të jetë kot. E kam njohur prej kohësh Yoon. Rregulli i Ye është; rri larg nëse nuk do që të përfshihesh.
Rikujtojmë se, Kanye West i është kthyer Hailey dhe Justin Bieber mes polemikave të tij të vazhdueshme. Ye është nën kritika për bluzat e tij ‘White Lives Matter’ të shfaqura si pjesë e shfaqjes së tij në Javën e Modës në Paris, si dhe për komentet e tij kundër redaktores së Vogue, Gabriella Karefa-Johnson. Gazetarja e modës kishte kritikuar shfaqjen e Kanye përpara se muzikanti t’i bënte të qarta ndjenjat e tij në një varg postimesh në mediat sociale, një sprovë që Gabriella e quajti paqëndrueshmëri serioze.
Dita ditës reperi i njohur Kanye West na habit me deklaratat e tij. Postimet e tij të vazhdueshme në rrjetet sociale nuk kanë fund dhe e fundit ishte diçka që me të vërtetë na surprizoi. Me anë të një shkrimi 45-vjeçari ka deklaruar se: “E gjithë bota e di që kam një fiksim me Stas”, duke iu referuar shoqes së ngushtë të ish-kunatës Kylie Jenner, 25-vjeçares Anastasia “Stassie” Karanikolaou.