Italia është finalistja e parë e kampionatit europian. ‘Të kaltrit’ e drejtuar nga Roberto Mancini kanë eliminuar me penallti në gjysmëfinalen e Londrës Spanjën, pasi 120 minutat duke përfshirë edhe shtesën u mbyllën me rezultatin 1-1.
Gjatë festimeve, një tifoz u bashkua me skuadrën e Italisë pas ndeshjes në Wembley, por u largua nga Marco Verratti para se të mbërrinin zyrtarët e stadiumit. Ishte një natë magjike në Wembley, ku Azzurrët mposhtën Spanjën dhe festa e lojtarëve ishte çmendur. Padyshim që e meritonin t’a festonin në këtë mënyrë.
Lojtari i Chelsea-t, Jorginho shënoi me sukses penalltinë e fundit, pasi Gigio Donnarumma kishte ndaluar goditjen e Alvaro Moratas, duke bërë që festimet të fillonin. Ishte një moment i vështirë pasi një tifoz i cili hyri në fushë nga tribunat e Wembley-t u bashkua me Azzurrët për festimet e tyre pas ndeshjes.
Verratti DEF thought that was Insigne next to him! 🤣🤣🤣 pic.twitter.com/7zlGKByQfn
— Joey Caccavale (@joeCaccavale2) July 7, 2021
Djaloshi filloi të festonte me Marco Verrattin i cili u step paksa kur e pa atë në mesin e tyre. Ylli i PSG-së reagoi duke e larguar tifozin përpara se të vinte një zyrtar i stadiumit. Në foton e postuar nga Alessandro Florenzi në Twitter, shihet qartazi edhe tifozi i cili i është bashkuar ekipit për të festuar fitoren.
SIAMO IN FINALEEEEE 🇮🇹💙 pic.twitter.com/lXAYoKlykS
— ALESSANDRO FLORENZI (@Florenzi) July 6, 2021
Rikujtojmë, se Anglia dhe Danimarka përballen sot në mbrëmje në gjysmëfinale të Kampionatit Europian në futboll. Danimarka ka rezultuar deri tani surpriza më e bukur e “Euro 2020”.
