Për herë të dytë brenda një jave, Twitter po përjeton probleme teknike. Sipas DownDetector, çështjet filluan rreth orës 17:30 të hënën dhe kanë prekur më shumë se 4,000 përdorues në mbarë botën. 80% e njerëzve raportuan probleme me faqen e internetit, 13%me aplikacionin dhe 7% me lidhjen e serverit.
Përdoruesit po ankohen se kanë probleme me aksesin në platformën e mediave sociale, por arsyeja e problemeve mbetet e paqartë. Në fillim të muajit, kompania e Elon Musk pësoi një ndërprerje prej tre orësh. DownDetector mbledh raportet e ndërprerjeve nga burime të shumta, duke përfshirë mediat sociale dhe aplikacionet celulare.
Sipas NetBlocks, Twitter po përjeton ngadalësime dhe ndërprerje ndërkombëtare që po ndikojnë në përmbajtjen e imazheve dhe videove. Ata që janë në gjendje të hyjnë në platformë në celular dhe desktop po shohin imazhe bosh aty ku duhet të jenë fotot.
Së fundmi, Twitter ka pushuar nga puna të paktën 200 punëtorë, ose rreth 10% të fuqisë aktuale të punës. Pushimet përfshinin menaxherë projektesh, analistë të të dhënave dhe inxhinierë përgjegjës për mësimin e makinerive dhe besueshmërinë e shërbimit. Kompania nuk u përgjigj menjëherë kur agjencia e lajmeve Reuters u përpoq ta kontaktonte për koment. Twitter kishte rreth 2300 punonjës muajin e kaluar, sipas Musk.
