Një nga yjet e “KUWTK” ditën e djeshme festoi ditëlindjen e saj. Urimet për Kourtney Kradashian ishin të pafundme por ai më i veçanti normalisht erdhi nga bashkëshorti i saj i ardhshëm. Për të festuar me rastin e 43-vjetorit, Travis Barker nuk u kursye për të shprehur dashurinë e tij për Kourtney-n me anë të një postim të ëmbël në rrjetet sociale.
Krahas fotos bardhë e zi ku ai shfaqej duke e përqafuar Kourtney-n, ai kishte shkruar:
Shoqja ime më e mirë, e dashura ime, je gjithçka për mua. Gëzuar ditëlindjen të dua.
https://www.instagram.com/p/CcgNvYXvYz1/?utm_source=ig_web_copy_link
Ndërkohë, Kardashian mori urime për ditëlindje nga edhe disa miq të tjerë dhe anëtarë të familjes, duke përfshirë motrat Kim, Khloe, Kendall dhe Kylie Jenner. Më 4 prill, Barker u martua me Kourtney në një ceremonie martesore në One Love Wedding Chapel në Las Vegas pasi morën pjesë së bashku në ceremoninë e ndarjes së çmimeve ‘Grammy’. Themeluesja e “Poosh” më vonë sqaroi se ceremonia nuk ishte ligjërisht e detyrueshme pasi ata nuk kishin ende asnjë dokument që fakton celebrimin e tyre. Pak ditë pas ceremonisë, ajo ka shpërndarë në Instagram një sërë fotosh nga dasma e improvizuar.
Në lidhje me organizimin e dasmës së madhe në një të ardhme të afërt një burim është shprehur për PEOPLE se:
Ata nuk duan një dasmë të madhe. Ata duan një ceremonitë thjeshtë së bashku me familjen dhe miqtë e ngushtë. Familja e Kourtney dëshiron të jetë pjesë e saj sigurisht.
Ndërkohë, gjatë një interviste me Billboard, të publikuar vetëm disa ditë pas dasmës së tyre në Las Vegas, Barker shpjegoi se si të dy ngjajnë shumë me njëri-tjetrin dhe se kanë pothuajse gjithmonë të njëjtat mendime.
Ne jemi shumë të ngjashëm. Ne nuk do të heqim dorë kurrë nga njëri-tjetri dhe unë kam nevojë për dikë si Kourtney në jetën time.
