Parisi është qyteti në Evropë me rrezikun më të lartë të vdekjeve nga të nxehtit. Kjo është ajo që del nga një studim i kryer nga revista shkencore “The Lance Planetary”. Sipas vlerësimeve, kur temperatura rritet shumë lart, vdekshmëria shumëfishohet me 1.6 herë te njerëzit mbi 85-vjeç. Studiuesit studiuan shkallën e vdekjeve në 854 qytete me më shumë se 50.000 banorë në 30 vende evropiane midis viteve 2000 dhe 2019.
Studiuesit aplikuan një metodë me tri faza për të vlerësuar vazhdimisht rreziqet e temperaturës në dimensionet e moshës dhe hapësirës, duke identifikuar modelet e cenueshmërisë në bazë të karakteristikave specifike të qytetit dhe strukturave demografike. Këto rreziqe u përdorën për të nxjerrë temperaturat minimale të vdekshmërisë dhe përqindjet përkatëse, si dhe normat e papërpunuara dhe të standardizuara të vdekshmërisë për nxehtësinë dhe të ftohtin e grumbulluar në nivele të ndryshme gjeografike.
2022-shi ishte viti më i thatë në Europë që nga koha kur filluan studimet shkencore për klimën, pra nga gjysma e dytë e viteve 1800. Vitin e kaluar u konstatua zgjerimi i zonave të prekura nga thatësira, si dhe u evidentua ulja e ndjeshme e prurjes së lumenjve. Ky konstatim zbulohet në raportin vjetor të “Copernicus”-it, shërbimit të Bashkimit Europian për Vëzhgimin e Tokës, me titull: “Gjendja europiane e klimës 2022”. Për më tepër, midis viteve 2018 e 2022, temperaturat mesatare në Europë ishin 2.2 gradë Celcius më të larta se nivelet para-industriale të periudhës 1850-1900.
