Si një nga ngjarjet më të mëdha në kalendarin e modës, Met Gala 2023 shënon hapjen e ekspozitës së stilit të Institutit të Kostumeve dhe është festuar prej kohësh për veshjet e tij që përcaktojnë shkëlqimin e mrekullueshëm të tapetit të kuq. Tema e Met Gala e këtij viti ‘Karl Lagerfeld: A Line of Beauty’ do të nderojë shkëlqimin artistik të stilistit të ndjerë dhe do të gjurmojë evolucionin e tij.
Ndërkaq, një ftesë zyrtare në Met Gala, u pranua nga macja e tij e dashur, Choupette. Siç zbuloi Luca Berouillier, agjenti i Choupette dhe pronari i My Pet Agency për New York Post, macja mori ftesën.
Është një ngjarje për nder të trashëgimisë së Karlit dhe Choupette është padyshim një pjesë qendrore e kësaj trashëgimie.
Tema e ekspozitës së këtij viti të Institutit të Kostumeve është “Karl Lagerfeld: A line of beauty” dhe do të nderojë stilistin ikonik gjerman, i cili ka punuar për Chanel, Fendi, Balmain dhe një mori shtëpish të tjera të modës para vdekjes së tij në 2019. Disa madje po spekulojnë se Choupette mund të jetë ylli i tapetit të kuq në galan vjetore, të mbikëqyrur nga redaktori i Vogue, Anna Wintour, më 1 maj.
E lindur më 15 gusht 2011, macja krem Birman fillimisht ishte në pronësi të modelit Baptiste Giabiconi. Kotelja ishte një dhuratë për ditëlindje nga miqtë. Atë vit, Giabiconi i kërkoi Karl Lagerfeld që të kujdesej për macen e tij gjatë pushimeve. Stilisti fillimisht hezitoi, por shpejt ra në dashuri me të.
