Ryan Gosling do t’i bashkohet zyrtarisht Universit Kinematografik të Marvel (MCU), duke marrë rolin e shumëpritur të Ghost Rider, një prej personazheve më ikonike të komikëve.
Konfirmimi erdhi gjatë eventit San Diego Comic-Con, ku aktori u ngjit në skenë së bashku me presidentin e Marvel Studios, Kevin Feige, dhe regjisorin Shawn Levy, duke ndezur entuziazmin e mijëra fansave të pranishëm.
Filmi i ri kushtuar Ghost Rider do të drejtohet nga Shawn Levy, regjisori që qëndron pas suksesit të “Deadpool & Wolverine”, ndërsa dalja në kinema është planifikuar për vitin 2028.
Ky projekt shënon bashkëpunimin e dytë mes Gosling dhe Levy, të cilët do të punojnë së bashku edhe në filmin “Star Wars: Starfighter”.
Me këtë rol, Ryan Gosling merr stafetën nga Nicolas Cage, i cili interpretoi Ghost Rider në dy filmat e realizuar më parë nga Sony Pictures dhe u identifikua për vite me këtë personazh.
Gjatë prezantimit në Comic-Con, Shawn Levy nuk i kurseu vlerësimet për aktorin, duke bërë edhe një koment me humor.
Është një i çmendur absolut
-tha regjisori, duke zbuluar se ideja për ta sjellë Gosling në rolin e Ghost Rider lindi gjatë bashkëpunimit të tyre në “Starfighter”.
Roli i ri ka edhe një lidhje të veçantë me jetën personale të aktorit. Partnerja e tij, Eva Mendes, kishte interpretuar në filmin e parë “Ghost Rider” të vitit 2007, ku luante përkrah Nicolas Cage.
Për këtë arsye, rikthimi i personazhit në ekran me Ryan Gosling në rolin kryesor shihet si një rastësi interesante që lidh edhe historinë personale të çiftit me një nga figurat më të njohura të universit Marvel.
Konfirmimi i Gosling si Ghost Rider ishte një nga momentet më të bujshme të San Diego Comic-Con, duke rritur pritshmëritë e fansave për mënyrën se si Marvel do ta rikthejë në ekran një prej personazheve më të dashur të sagës.
