Sulmet fizike, të cilat mund të përdoren për të hyrë në iPhone dhe pajisje të tjera të kyçura, janë përdorur kundër individëve të caktuar specifikisht. Apple ka publikuar përditësimet iOS 18.3.1, iPadOS 18.3.1 dhe iPadOS 17.7.5 për të adresuar një cenueshmeri “zero-day”, e cila u lejonte sulmuesve të hynin në të dhënat e pajisjeve të kyçura. Përditësimi rregullon sistemin operativ dhe e mbron atë nga sulmet në USB Restricted Mode. Apple e vendosi në funksion këtë modalitet për herë të parë me versionin iOS 11.4.1 në vitin 2018, për të parandaluar përpjekjet për të anashkaluar fjalëkalimet hyrëse dhe për të shmangur enkriptimin që mbron të dhënat e përdoruesve.
Ky përditësim u publikua më 10 shkurt dhe është i disponueshëm për pajisjet e mëposhtme:
iPhone XS dhe modelet më të reja
iPad Pro 13-inç, iPad Pro 12.9-inç (gjenerata e 3-të e më të reja), iPad Pro 11-inç (gjenerata e 1-rë e më të reja)
iPad Air (gjenerata e 3-të e më të reja)
iPad (gjenerata e 7-të e më të reja)
iPad mini (gjenerata e 5-të e më të reja)
Kompania kineze “Alibaba Group Holding” ka hyrë në partneritet strategjik me gjigantin amerikan të teknologjisë “Apple” për të zhvilluar veçori të fuqizuara nga inteligjenca artificiale për telefonat iPhone në Kinë. Burime të njohura me marrëveshjen thonë se “Apple” zgjodhi kompaninë “Alibaba” për shkak të aftësive të avancuara të modelit të saj “Qwen AI”, i cili konsiderohet si shumë i sofistikuar dhe një lider në inovacionin e inteligjencës artificiale. Partneriteti erdhi në një kohë kur “Apple” po lufton me rënien e shitjeve të telefonave iPhone në Kinë, ku mungesa e aftësive lokale të inteligjencës artificiale është parë si një pengesë e madhe.
Me telefonat inteligjentë të palosshëm që tani janë një pajisje e zakonshme në linjën e pothuajse të gjitha kompanive Android, ato tani po ndjekin ide më të guximshme si një telefon që paloset tre herë. Apple, nga ana tjetër, thuhet se vetëm tani është duke finalizuar detajet e prodhimit për pajisjen e saj të përfolur debutuese të palosshme. Apple do të hyjë në tregun e smartfonëve të palosshëm në vitin 2026. Kur u pyet nëse Apple ka një telefon të trefishtë në linjë, Gurman tha se ishte shumë herët për të komentuar mbi këtë, duke qenë se gjiganti i teknologjisë nuk ka nxjerrë ende një telefon të palosshëm.
