Në një nga skenat më të njohura artistike në Itali, Azgan Haklaj dhe vajza e tij, Adela Haklaj, sollën një interpretim të veçantë të valleve tradicionale shqiptare, duke promovuar kulturën dhe trashëgiminë kombëtare përpara publikut ndërkombëtar.
Të veshur me kostume tradicionale dhe të shoqëruar nga ritmet autentike të folklorit shqiptar, dyshja përcolli vlerat e kulturës së Tropojës dhe identitetin shqiptar përmes një performance që u prit me interes nga të pranishmit.
Interpretimi i tyre u konsiderua si një promovim i traditave shqiptare në një skenë prestigjioze, duke dëshmuar se folklori mbetet një urë lidhëse mes brezave dhe një ambasador i kulturës sonë përtej kufijve.
LEXO EDHE: Mrekullitë në Arbërisë, nga UNESCO në skenën e Teatrit të Operas dhe Baletit
Pjesëmarrja e Azgan dhe Adela Haklajt në Sanremo vlerësohet si një tjetër moment i rëndësishëm në prezantimin e trashëgimisë artistike shqiptare në arenën ndërkombëtare, duke sjellë në qendër të vëmendjes pasurinë kulturore të Shqipërisë dhe veçanërisht të krahinës së Tropojës.
LEXO EDHE: Lahuta shqiptare zyrtarisht pjesë e trashëgimisë kulturore të UNESCO-s!
