Sali Berisha, theksoi se dorëheqja e kryeministrit Edi Rama është e vetmja rrugë për të dalë nga kriza politike dhe ekonomike që po përjeton vendi.
Kryetari demokrat e paraqiti situatën si një moment kritik, duke nënvizuar nevojën për largimin e Ramës për të rikthyer stabilitetin dhe dinjitetin në skenën politike shqiptare. Ndërkaq, sot në Kuvend prezantohen raportet e palëve mbi kërkesën e SPAK-ut për arrestimin e Belinda Ballukut.
Qytetarët kërkojnë dorëheqjen e Edi Ramës si zgjidhjen e vetme të kësaj gjendje dhe të kësaj situate dramatike që përjeton vendi.
Në një kohë kur Edi Rama, njeriu më i poshtëruar në detyrë sot, në të gjithë hapësirën e Bashkimit Europian dhe më gjerë, nuk ka sot një kryemnistër të poshtëruar para botës dhe popullit të tij siç është Edi Rama.
Është i poshtëruar sepse po shkelmon ligjet dhe Kushtetutën për të mbrojtur vjedhjet e tij.
Është i poshtëruar sepse për interesa të hajdutërisë së tij, pasurive të tij të paligjshme, po mbyll dyert e BE për Shqipërinë.Është i poshtëruar se aty ky miraton ligje në parlament për firmën e tij, firmën ia merr Pëllumbesha Spirogjoka.
Është i poshtëruar se aty ku bën ligje që Linda e tij të jetë First Lady e Shqipërisë, zonja Begaj ia menderos ligjin.
Pra, Edi Rama përjeton periudhën e poshtërimit më maksimal të një qeveritari, të një kryeministri.
Ne sot jemi këtu për të shprehur mendimin e qytetarëve shqiptarëve.
Do të votojmë në unison për heqjen e mandatit dhe arrestimin e Lubi Ballukut, por këto nuk janë zgjidhja e krizës është largimi i njeriut më të poshtëruar sot në skenën politike evropiane dhe perëndimore që quhet Edi Rama.
Ju duhet ta dini këtë, që ai është njeriu i poshtëruar për aktet që ka kryer.
Por ai, për të shpëtuar lëkurën e tij, është i gatshëm të pranojë çdo lloj poshtërimi që i bëhet.
Nuk mund ta imagjinoni ju se si në darkat e tij të neveritshme, që ua nxjerr ato që hanë miqve, shkon dhe u përkulet, u bie në gjunjë si legen, për t’u kërkuar që të ndryshojnë mendimin.
Ta dinë shqiptarët se ky është sot Edi Rama.
